《選老坐》因涉及黑社會術語而過唔到電檢，而變左《選老頂》，家下又多套《老笠》！證明香港人嘅語言—廣東話真係好多姿多采，既靈活，又傳神，唔係一般大陸書面語、簡體字可以取代。
—
而今次套《老笠》港味四射，不論在演員、對白抑或情節上，都好有香港電影嘅特色，作為港產戲迷嘅你地，唔係唔「撐」下話？
—
係演員方面，雖然唔似某大（陸）導某套電影《賭城瘋人》咁星光熠熠，但係主角嘅陣容仍然吸引到筆者嘅眼球。例如由香港電影御用廢青（《囡囡》、《飛虎出征》等）曾國祥擔正做主角飾演「真。廢青」，由可能係係香港講粗口過得最過癮嘅林雪做刻薄經理，仲有橫跨影壇50年嘅吳淬帆老先生，配合一塊「老是常出現」嘅綠葉黑仔姜皓文同埋上圍迫爆mon嘅崔碧珈小姐勾引一眾宅男，各位演員雖然唔係最出名果個，但有度身訂造嘅角色，咁先係「演戲」嘛！
—
係對白同情節方面，短短半分鍾嘅預告片度，已經充分展示左導演想拍「港cult」嘅決心(上一套筆者睇嘅港cult係《衝鋒車》)，故事由「廢青」搵工發端，然後迎來在便利店的一夜奇遇，當中故事嘗試將各種cult的元素「炒埋一碟」，包括粗口、性愛、無厘頭、殺戮等等，令我想起了幾年前的一套香港電影《重口味》。而林雪係戲內飾演便利店經理，電影場景看似大多在一間寬敞的便利店內進行，當中涉及殺人、困獸鬥、私刑審判及人性鬥爭等情節，又有點《那夜凌晨，我坐上了旺角開往大埔的紅VAN》的影子，有對社會控訴，嘆物是人非，香港人飽受壓迫而喪心病狂的意義。而對白方面，唔多講，「每日主要工作呢都係比經理係咁亂咁插架姐（家姐）」、「用咩插啊？」、「我就用口」，如果你睇得明，識笑，就入場睇啦！
—
由此本專頁剛剛成立，未為人所認識，如果覺得影評或者分享嘅野唔錯嘅話，請幫忙LIKE AND SHARE啦，多謝:D
—
#港唔斷戲 #老笠
【《老笠》三級版預告片！】
賀《老笠》遊歷世界一年後喺自己地頭入選 #第四十屆香港國際電影節，三級版預告片緊貼送上！我哋個城市塞L住咗，4.14打L通佢！
#老笠 #Robbery｜4月14日 歡迎光臨｜監製 #黃柏高 #陳慶嘉 #鄭振邦｜導演 #火火｜#曾國祥 #JArie雷琛瑜 #林雪 #馮淬帆 #姜皓文 #崔碧珈 #郭偉亮 #周祉君 #馬志威 #盧惠光｜#hkiff #hkiff40
Search